ആത്മാരാമൻ

ആത്മാവിനെപ്പോലും ആരാമമാക്കി ഞാൻ

കൊച്ചു പൂവോന്നിൽ ഒളിച്ചിരിക്കും 

എന്നെ ഞാൻ തേടുമ്പോൾ കാണുവാൻ പറ്റാതെ 

ഞാൻ തന്നെ ഇത്തിരി കണ്ണുനനയിക്കും 

ദർപ്പണം നോക്കി ഞാൻ കാട്ടുന്ന ഘോഷ്ടികൾ 

കണ്ടെൻമനസ്സു മയങ്ങീടവേ 

എന്നുടെ ഭംഗി കണ്ടീലോകമൊക്കെ ഞാൻ 

ഊറ്റിക്കുടിച്ചെൻറെ കവിളുചോപ്പിക്കും 

ഒറ്റയ്ക്കിരിക്കുമ്പോളെൻ ചാരു മേനിയിൽ 

ഞാൻ തന്നെയല്പ്പം വിരൽ നടത്തും 

കൈകൾക്കിടയിലായ് പൂക്കും മണത്തിലെൻ 

മേനി മുഴുവൻ തരിച്ചിരിക്കും !!

കണ്ണാടി കാണിക്കും നഗ്നമാം മേനിയിൽ 

കണ്ണെടുക്കാതെ ഞാൻ നോക്കി നിൽക്കും 

അന്യ സൌന്ദര്യയാഥാർത്ഥ്യചിറകുക-

ളൊക്കെയും കത്തിച്ചു ചാമ്പലാക്കും 

സങ്കല്പ്പകാന്തിയിൽ ഊതിയൂതി 

ചെറുതാലിയൊന്നു പണിഞ്ഞിട്ടെന്റെ 

കണ്ഠത്തിൽ ചാർത്തിക്കും ചാരുകൈകൾ 

എന്റേതു മാത്രമായ് തീർന്നിടണം 

എന്നുടെ മേനിയൊരാണിനെ തിരയുമ്പോൾ 

കൈകളിൽ രോമം ഉയർത്തെണീക്കും 

ചൂണ്ടുവിരൽകളിൽ മീശമുളച്ചെന്റെ 

ചുണ്ടുകൾ മെല്ലെ നനച്ചുതരും 

താക്കോൽ പഴുതിലൂടെത്തും വെളിച്ചത്തെ 

നൂലിൽ കോർത്തു ഞാൻ മാലയാക്കും 

എന്നിട്ടതുകൊണ്ടരഞ്ഞാണമാക്കിയെൻ 

ആണിനു പൊട്ടിക്കുവാൻ കൊടുക്കും !!

 എന്നിലെ പൗരുഷം പെണ്ണിനെ തിരയുമ്പോൾ 

തുടയിലെ രോമം കൊഴിഞ്ഞു പോകും 

നീരൊഴിഞ്ഞിളനീരിൻ മണമുള്ള 

നീരൊഴിഞ്ഞിളനീരിൻ  നിറമുള്ള 

സ്പന്ദനം തുടകളിൽ തങ്ങി നിൽക്കും 

പുറത്തുള്ലോർ പുഞ്ചിരിയാൽ പ്രഹരിക്കിലും 

അകത്തുള്ലോർ ആശയങ്ങൾ പറഞ്ഞീടിലും 

ആത്മാവിൽ തന്നെ രമിച്ചു സുഖിച്ചിടാൻ 

താക്കോൽ പഴുതുമടച്ചിടട്ടെ !!!!!!

എന്നോളം ഭംഗിയുള്ളാണുമില്ലാ 

എന്നോളം ചേലുള്ള പെണ്ണുമില്ലാ !!!!!!!!!!